ផ្តើមចេញពីការព្យាបាលរបស់ក្មួយស្រីខ្ញុំកាលពី៧ឆ្នាំមុន

លោកនឹមឈុន្នីបានក្លាយជាក្រុមប្រឹក្សាយោបល់នៃការិយាល័យទំនាក់ទំនងប្រចាំកម្ពុជានៃមន្ទីរពេទ្យកុមារអង្គរកាលពីដើមឆ្នាំ២០១៩ ដោយបានមើលឃើញពីតម្រូវការរបស់មន្ទីរពេទ្យនូវក្នុងការពិនិត្យព្យាបាលរបស់មន្ទីរពេទ្យកុមារអង្គរ ព្រោះមន្ទីរពេទ្យកុមារអង្គរជាមន្ទីរពេទ្យដែលទទួលពិនិត្យព្យាបាលកុមារដោយពុំមានគិតកម្រៃអ្វីទាំងអស់។ បន្ថែមពីលើនេះទៀត ឈុន្នីមានប្រសាសន៍ថា​ “ខ្ញុំមិនអាចបំភ្លេចបាននូវសេវាថែទាំសុខភាពដ៏កក់ក្តៅនិងឆាប់រហ័សដែលក្មួយស្រីរបស់ខ្ញុំកញ្ចនានិងខ្ញុំផ្ទាល់ទទួលបានប្រហែល៧ឆ្នាំមុនពីមន្ទីរពេទ្យកុមារអង្គរ។ កញ្ចនាកើតមកខុសប្លែកពីក្មេងដ៏ទៃ។ ពួកយើងពុំបានចាប់អារម្មណ៍ថានាងមិនអាចដើរបានទេរហូតដល់នាងមានអាយុប្រហែល២ឆ្នាំ” លោកឈុន្នីបាននិយាយបន្តរ “យើងបាននាំនាងទៅកាន់មន្ទីរពេទ្យផ្សេងៗគ្នាជាច្រើនដើម្បីព្យាបាលតែគ្មាននរណាម្នាក់អាចជួយនាងបានទេ។ ពីរឆ្នាំក្រោយមកទើបយើងរកឃើញមន្ទីរពេទ្យកុមារអង្គរ ដែលបានជួយក្មួយស្រីរបស់ខ្ញុំរកឃើញក្តីសង្ឃឹមហើយទីបំផុតនាងអាចដើរបានប្រសើរជាងមុន” ។