ភាគទានមន្ទីរពេទ្យកុមារអង្គរ

អ្នកជំងឺទាំងអស់របស់មន្ទីរពេទ្យកុមារអង្គរ នៅតែទទួលបានសេវាពិនិត្យ ព្យាបាល និងថែទាំសុខភាពដែលមានគុណភាពល្អដូចៗគ្នា និងប្រកបដោយក្តីមេត្តាករុណា ទោះបីជាពួកគេមិនមានលទ្ធភាពក្នុងការបង់ភាគទានក៏ដោយ។

View this page in English.

អំពីភាគទានមន្ទីរពេទ្យកុមារអង្គរ

ចាប់តាំងពីឆ្នាំ១៩៩៩មក មន្ទីរពេទ្យកុមារអង្គរបានផ្តល់ការពិនិត្យ ព្យាបាល និងថែទាំដល់កុមារកម្ពុជា បណ្តុះបណ្
តាលដល់អ្នកជំនាញផ្នែកសុខាភិបាល និងអប់រំសុខភាពដល់ប្រជាជនជាច្រើននាក់នៅតាមសហគមន៍។

ដើម្បីបន្តបេសកកម្ម និងនិរន្តរភាពនៃការពិនិត្យ ព្យាបាល និងថែទាំសុខភាពប្រកបដោយគុណភាពខ្ពស់ និងក្តីមេត្តាករុណា
ដល់កុមារកម្ពុជា មន្ទីរពេទ្យកុមារអង្គរ ចាប់ផ្តើមអនុវត្ត
ការបង់ភាគទានអ្នកជំងឺ
លើសេវាសុខភាពនៅក្នុងមន្ទីរពេទ្យចំពោះអ្នកដែលមានលទ្ធភាព។

ដើម្បីធានាថាកុមារកម្ពុជាទទួលបានសេវាថែទាំឯកទេស ប្រកបដោយគុណភាពខ្ពស់ និងដ៏ល្អមួយនៅកម្ពុជា មន្ទីរពេទ្យកុមារអង្គរត្រូវតែមាន

និរន្តរភាព មន្ទីរពេទ្យយើង កាតព្វកិច្ចភាព

ទោះបីជាអ្នកជំងឺដែលមាន ឬមិនមានលទ្ធភាពបង់ភាគទាន ក៏មន្ទីរពេទ្យកុមារអង្គរនៅតែបន្តផ្តល់សេវាពិនិត្យ ព្យាបាល និងថែទាំសុខភាពដល់កុមារ ប្រកបដោយគុណភាព និងក្តីមេត្តាករុណាដូចៗគ្នា។

ការបង់ភាគទាន

ស្ថានភាពគ្រួសារ	ការបង់ភាគទាន
អ្នកជំងឺមានប័ណ្ណក្រីក្រ អ្នកជំងឺមានប័ណ្ណមូលនិធិសមធម៌សុខភាព អ្នកជំងឺបានទទួលការប៉ាន់ប្រមាណស្ថានភាពសេដ្ឋកិច្ចគ្រួសារ ហើយបង្ហាញថាមិនមានលទ្ធភាពបង់ភាគទាន	ឥតគិតថ្លៃ
អ្នកជំងឺបានទទួលការប៉ាន់ប្រមាណស្ថានភាពសេដ្ឋកិច្ចគ្រួសារ ហើយបង្ហាញថាមានលទ្ធភាពបង់ភាគទាន	បង់ភាគទាន តាមតារាងខាងក្រោម
អ្នកជំងឺមានប័ណ្ណធានារ៉ាប់រង សុខភាព ភ្ញៀវទេសចរបរទេស អ្នកជំងឺផ្សេងទៀតដែលមានលទ្ធភាពបង់ភាគទាន	បង់ភាគទាន តាមតារាងខាងក្រោម + ការបរិច្ចាគ

ដំណើរការនៃការបង់ភាគទាន

ចាប់លេខពីសន្តិសុខរបស់មន្ទីរពេទ្យកុមារអង្គរ បន្ទាប់មកជួបជាមួយ គិលានុបដ្ឋាកផ្នែកខាងមុខ
ជួបជាមួយនឹងគិលានុបដ្ឋាកផ្នែកខាងមុខ ដើម្បីទទួលបានប័ណ្ណពិនិត្យជំងឺ
ចុះឈ្មោះ បន្ទាប់មកទទួលព័ត៌មានអំពីការបង់ភាគទានអ្នកជំងឺ
ទទួលការពិនិត្យ ព្យាបាលឱ្យរួចរាល់ពីក្រុមគ្រូពេទ្យ
ទៅកាន់ផ្នែកបេឡា៖
ក. ប្រសិនបើបងប្អូនមាន
លទ្ធភាព សូមមេត្តាបង់
ភាគទាន
ខ. សូមបង្ហាញប័ណ្ណក្រីក្រ ឬប័ណ្ណសមធម៌សុខភាព ដើម្បីទទួលបានសេវាដោយឥតគិតថ្លៃ
គ. ប្រសិនបើបងប្អូនមិនមានលទ្ធភាព សូមសាកសួរក្រុមការងារផ្នែកសង្គមកិច្ច ដើម្បីធ្វើតេស្តប៉ាន់ប្រមាណស្ថានភាពសេដ្ឋកិច្ចគ្រួសារ។
បើកថ្នាំ នៅផ្នែកឱសថស្ថាន
ចាកចេញពីមន្ទីរពេទ្យកុមារអង្គរ

សំនួរ-ចម្លើយដែលអ្នកជំងឺត្រូវយល់ដឹង

បើសិនជាខ្ញុំមិនយល់ស្របទៅនឹងលទ្ធផលនៃការប៉ាន់ប្រមាណសេដ្ឋកិច្ចគ្រួសារ តើខ្ញុំគួរធ្វើយ៉ាងណា?

មន្ទីរពេទ្យនឹងមិនបដិសេធ ក្នុងការផ្តល់សេវាព្យាបាលដល់អ្នកជំងឺ ដោយសារតែគ្មានលទ្ធភាពបង់ភាគទាននោះទេ។ សូមមេត្តាទាក់ទងប្រធានផ្នែកសង្គមកិច្ចរបស់មន្ទីរពេទ្យ ដើម្បីធ្វើការសម្របសម្រួល។

ក្រុមគ្រូពេទ្យនៃមន្ទីរពេទ្យកុមារអង្គរទាំងអស់ពិនិត្យ ព្យាបាល ថែទាំអ្នកជំងឺប្រកបដោយវិជ្ជាជីវៈ។ ក្រុមគ្រូពេទ្យមិនទទួលបានព័ត៌មាននៃការបង់ឬមិនបង់ភាគទានរបស់អ្នកជំងឺឡើយ លើកលែងតែក្នុងករណីចាំបាច់មួយចំនួនតែប៉ុណ្ណោះ។

មន្ទីរពេទ្យកុមារអង្គរជឿថា កុមារគ្រប់រូបគួរតែទទួលបានសេវាថែទាំសុខភាពដ៏ល្អ និងមានគុណភាពខ្ពស់ដូចៗគ្នា។ តាមរយៈការចូលរួមចំណែករបស់លោកអ្នក យើងអាចផ្តល់ការ ពិនិត្យ ព្យាបាល ដល់កុមារកម្ពុជាជាច្រើនផ្សេងទៀត និងធ្វើឱ្យមន្ទីរពេទ្យអាចដំណើរការរយៈពេលយូរអង្វែង។ សូមអរគុណដល់ការចូលរួមចំណែករបស់លោកអ្នក។

សូមថ្លែងអំណរគុណ

យើងខ្ញុំសូមថ្លែងអំណរគុណយ៉ាងជ្រាលជ្រៅបំផុត ចំពោះសប្បុរសជនទាំងអស់ នូវសន្តានចិត្តដ៏សប្បុរសក្នុងការជួយឧបត្ថម្ភគាំទ្រដល់មន្ទីរពេទ្យកុមារអង្គរ

ដើម្បីចូលរួមចំណែកធ្វើឱ្យប្រសើរឡើងនូវប្រព័ន្ធថែទាំ
សុខភាពនៅក្នុងប្រទេសកម្ពុជា។

សូមបរិច្ចាគថវិកា ដើម្បីឧបត្ថម្ភគាំទ្រដល់មន្ទីរពេទ្យកុមារអង្គរតាមរយៈ

តាមទូបរិច្ចាគក្នុងមន្ទីរពេទ្យ
ABA: 000 853 843 (Angkor Hospital for Children)
វីង: ប្រាក់រៀល (9122) – ប្រាក់ដុល្លារ (8122)
https://angkorhospital.org/donate/

ទំនាក់ទំនង/Contact:

Tel: 063 963 409

Email: [email protected]

Facebook: www.facebook.com/angkorhospital

Website: www.angkorhospital.org