សេចក្តីផ្តើមពីគម្រោង
កម្មវិធីសង្រ្គោះទារកមានគោលបំណងធ្វើឲ្យប្រសើរឡើងនូវគុណភាពនៃការថែទាំ និងព្យាបាលទារកនៅក្នុងតំបន់គោលដៅ។ កិច្ចការទាំងនេះនឹងសម្រេចទៅបានតាមរយៈការអភិវឌ្ឍន៍កញ្ចប់សុខភាពសហគមន៍យ៉ាងទូលំទូលាយដោយប្រើប្រាស់អន្តរាគមន៍ផ្នែកវេជ្ជសាស្រ្តនិងសង្គម ដែលផ្តល់លទ្ធផលជាវិជ្ជមានទៅលើទារកដែលមានបញ្ហាសុខភាពប្រឈមខ្ពស់។
មន្រ្តីកម្មវិធីសង្រ្គោះទារកគឺជាធាតុផ្សំដ៏សំខាន់នៃការផ្ដួចផ្ដើមថ្មីនេះ ហើយត្រូវតែជាគិលានុបដ្ឋាក ឬឆ្មប។ គាត់បង្កើតផែនការ សម្របសម្រួល និងអនុវត្តសកម្មភាពរបស់កម្មវីធីសង្គ្រោះទារកស្របទៅតាមផែនការប្រតិបត្តិប្រចាំឆ្នាំរបស់ការិយាល័យសុខភាពសហគមន៍របស់មន្ទីរពេទ្យកុមារអង្គរ ទាំងនេះរួមមាន ការប៉ាន់ប្រមាណ ការបង្រៀន ការបង្វឹក ការវាយតម្លៃនៅដំណាក់កាលនីមួយៗ និងអនុវត្តសកម្មភាពផ្នែកសហគមន៍ផងដែរ។
មន្ទីរពេទ្យកុមារអង្គរមិនលើកលែងចំពោះរាល់គ្រប់សកម្មភាពរំលោភបំពាន ការកេងប្រវ័ញ្ច និងការបៀតបៀនផ្លូវភេទលើកុមារ។
ការទទួលខុសត្រូវចម្បង
- បង្កើតផែនការផ្ទាល់ខ្លូន សម្រាប់កិច្ចការដែលបានដាក់ឲ្យនៅក្នុងកម្មវិធីសង្រ្គោះទារកស្របទៅនឹងផែនការយុទ្ធសាស្រ្ត និងផែនការប្រតិបត្តិប្រចាំឆ្នាំក្រោមការណែនាំពីប្រធានក្រុម និងអ្នកគ្រប់គ្រងកម្មវិធីសង្រ្គោះទារក
- បំពេញតួនាទីជាអ្នកសម្របសម្រួល និងគ្រូបង្វឹកសម្រាប់វគ្គបណ្តុះបណ្ដាល និងវគ្គបង្វឹក
- សម្របសម្រួលការប្រជុំប្រចាំខែជាមួយក្រុមទ្រទ្រង់សុខភាពភូមិ
- ចូលរួមវគ្គបណ្តុះបណ្ដាលផ្សេងៗដើម្បីកសាងសមត្ថភាព មុនពេលផ្តល់ការបណ្តុះបណ្តាលទៅបុគ្គលិក សុខាភិបាល
- បង្កើតទំនាក់ទំនងការងារល្អជាមួយក្រុមការងារ
- បង្កើតទំនាក់ទំនងល្អជាមួយបុគ្គលិកសុខាភិបាលគ្រប់លំដាប់ថ្នាក់និងអាជ្ញាធរពាក់ព័ន្ធ រួមទាំងចូលរួមប្រជុំជាដើម
- ប្រមូលទិន្នន័យអង្កេតគោល និងប្រចាំឆ្នាំ នៅមណ្ឌលសុខភាព និងមន្ទីរពេទ្យបង្អែក
- ផ្តល់ការបង្រៀន បង្វឹក ដល់បុគ្គលិកមណ្ឌលសុខភាព និងមន្ទីរពេទ្យបង្អែក
តម្រូវការជាក់ស្តែង
- បរិញ្ញាបត្រ ឬបរិញ្ញាបត្ររងគិលានុបដ្ឋាក ឬ ឆ្មបបានបញ្ជប់ពីគ្រឹះស្ថានដែលទទួលស្គាល់ដោយក្រសួងអប់រំ យុវជន និងកីឡា និងក្រសួងសុខាភិបាលនៃព្រះរាជាណាចក្រកម្ពុជា
- មានបទពិសោធន៍ការងារផ្នែកបច្ចេកទេសថែទាំ ឬសហគមន៍យ៉ាងតិច២ឆ្នាំ
- អាចធ្វើការទំនាក់ទំនងប្រកបដោយប្រសិទ្ធភាពជាមួយដៃគូរពាក់ព័ន្ធ
- អាចធ្វើការបាននៅក្នុងសហគមន៍
- អាចធ្វើការបានដោយឯករាជ្យ ដើម្បីដឹកនាំ និងលើកទឹកចិត្តខ្លួនឯង
- ចេះរៀបចំពេលវេលា ធ្វើការទៅតាមផែនការដែលបានកំណត់ និងមានជំនាញក្នុងការដោះស្រាយបញ្ហាបានល្អ
- មានទំនុកចិត្តក្នុងការនិយាយនៅពេលប្រជុំក្រុមធំ និងចូលរួមនៅក្នុងការពិភាក្សា
- អាចសរសេររបាយការណ៍សង្ខេបសម្រាប់គម្រោងដែលខ្លួនទទួលខុសត្រូវ
- ពេញចិត្តធ្វើការជាមួយកម្មវិធីសង្រ្គោះទារក
- មានឆន្ទៈក្នុងការសម្របខ្លួនទៅនឹងបញ្ហាប្រឈមដែលអាចកើតមានអំឡុងពេលអនុវត្តកម្មវិធី
- មានឆន្ទៈចូលរួមក្នុងការធ្វើឲ្យប្រសើរឡើងនូវសុខភាព និងសុខុមាលភាពទារកនិងអ្នកថែទាំនៅក្នុងសហគមន៍
- អាចនិយាយ និងសរសេរភាសាអង់គ្លេសបាន
- មានជំនាញកុំព្យូទ័រ (Word, Excel and PowerPoint)
របៀបដាក់ពាក្យ៖
ប្រសិនបើបេក្ខជនបេក្ខនារីមានចំណាប់អារម្មណ៍លើមុខតំណែងខាងលើសូមទាក់ទងមកការិយាល័យធនធានមនុស្សមន្ទីរពេទ្យកុមារដើម្បីយកពាក្យស្នើសុំរបស់មន្ទីរពេទ្យ ឬ ទាញយកទម្រង់ពាក្យពី https://angkorhospital.org/wp-content/uploads/2022/09/application-form.pdf រួមភ្ជាប់ជាមួយនឹងប្រវត្តិរូបសង្ខេប លិខិតបញ្ជាក់ការសិក្សាឬសញ្ញាបត្រដាក់នៅ មន្ទីរពេទ្យកុមារអង្គរដែលមានអាសយដ្ឋាននៅ ផ្លូវទេពវង្សនិងអុំមឆាយ សង្កាត់ស្វាយដង្គុំ ក្រុងសៀមរាប ប្រអប់សំបុត្រ PO Box 50 ខេត្តសៀមរាប ព្រះរាជាណាចក្រកម្ពុជា។
ទូរស័ព្ទៈ +855 63 963 409, ០១៧ ៧២ ៧២ ៦២ ឬតាមរយៈអ៊ីម៉ែល: job@angkorhospital.org
បញ្ជាក់: មានតែបេក្ខជនដែលត្រូវបានពិនិត្យឃើញថាគ្រប់លក្ខខណ្ឌប៉ុណ្ណោះនឹងត្រូវបានទាក់ទងសម្រាប់ការសម្ភាស។សម្រាប់ពាក្យដែលត្រូវបានដាក់ហើយនឹងមិនត្រូវបានប្រគល់ជូនវិញទេ។ បេក្ខជនដែលមិនបានបំពេញតាមលក្ខខណ្ឌដាក់ពាក្យធ្វើការរបស់មន្ទីរពេទ្យ មន្ទីរពេទ្យមិនទទួលយកឡើយ។